Egitura Fondoak eta Kohesio Fondoa Europar Batasuna osatzen duten eskualde eta estatuen garapen mailen artean dagoen aldea murrizteko Batasunak jarraitutako egitura politikaren barruan sartzen dira. 1957. urtean egungo Europar Batasunaren iturri izan zen Erromako Itunak jada Batasun osoan jarduera ekonomikoak modu orekatuan garatzea sustatu beharra finkatu zuen, merkatu bateratu baten sorrerarekin. Laster nabaritu zen, ordea, merkatuaren indarrak ezin zitzakeela kohesio desiragarri hori bermatu eta eskualde eta estatuen arteko aldeak murriztu, eta Batasuna egitura politika komun baten garapenean gero eta gehiago murgildu zen.