Gipuzkoako Foru Aldundiko Ogasun eta Finantzako Departamentuak buletinaren ale berria argitaratu du Gipuzkoa eta Europako Batasunaren gainean.

Gipuzkoako Foru Aldundiko Ogasun eta Finantzako Departamentuak buletinaren ale berria argitaratu du Gipuzkoa eta Europako Batasunaren gainean.

Gipuzkoako Foru Aldundiko Ogasun eta Finantzako Departamentuak Gipuzkoa eta Europako Batasunaren inguruko iruzkin berria argitaratu du.

2007-2013 epealdirako kohesio politika definitzen duten bost araudiak onartu ditu Europako Legebiltzarrak. Bertara, 308 milioi euro bideratuko dira.

Onarturiko araudiak hurrengoak dira: Eskualdeko Garapenerako Europako Fondoaren (EGEF) araudi orokorra, Europako Fondo Sozialaren (EFS) araudia, Kohesio Fondoarena eta Muga-gaindiko lankidetzarako Europako Elkargoaren tresna juridiko berriarena (EGEF, EFS eta Kohesio politika gauzatzeko printzipio, arau eta bestelakoak definitzen ditu).

Legebiltzarrak bost araudi-proposamenen azken bertsioak onartu ditu. Ondoren, Batzordeak onetsi beharko ditu eta EBko aldizkari ofizialean argitaratuko dira.

EB-25eko eskualdeen, Bulgaria eta Errumaniaren bilakaera ekonomiko eta sozialari buruzko urteko txostenak eskualdeen arteko desberdintasunen gaineko ikuspegi orokorra eskaintzen du. Halaber, 2007-2013 programazio epealdi berrirako kohesio politikaren orientabide estrategikoak aurkezten dira bertan.

Abenduaren 15 eta 16an egindako Europako Batasuneko Kontseiluko bileran, 2007-2013rako finantza aurreikuspenak onartu dira.

EB-27rako gastua 862.363 eurotaraino ailegatzen da, EB-27ko BPGaren %1,045.

Epe honetarako kohesio politikarako gastua 307.619 milioi eurotan kokatzen da (EB-27ko BGParen %0,37).

Kopuru hauen %81,7 Konbergentzia Helburuari dagokio (251.330 milioi euro), %15,8 Erregio Lehiakortasuna eta Enplegua Helburuari (48.789 milioi euro) eta %2,4 Lurraldeko Lankidetzari (7.500 milioi euro).

Txosten hau, 2004 urteko aurrekontuen gauzatzean oinarritu da eta programa europarren egungo garapenean nabarmenduriko hiru gertaera azpimarratzen ditu: eraginkortasun-erreserbaren esleipena, EB-15eko programen epe ertaineko berrikuspena, eta Europako Batasunaren zabalkundea.

Era berean, 2007-2013 epealdiko kohesio politikako araudi berria hitzartzeko lehenengo saiakerak egin dira. Komisioak zera proposatu du, 336.100 milioi euroko aurrekontua edukitzea 7 urtetan ondorengo lehentasunezko helburuak bete daitezen: konbergentzia, gutxien garaturiko eskualdeetan, konkurrentzialtasuna eta enplegua, gainerako eskualdeetan eta lurralde-lankidetza, Europako Batasun mailari dagokionean.

Bestetik, 2004ko Egiturazko Fondoen konpromiso-kredituak 35.353 milioi euroko balioa dute, hau da, EBren aurrekontuaren %32.

Urriaren 10etik 13ra “Open Days – Europako Erregio eta Hirien Astea (Open Days 2005)” burutu da Bruselan. Berau, Europako Komisioko Eskualdeko Politikako Zuzendaritza Orokorrak eta Erregioen Komiteak antolatu dute; hau guztia, Europako 26 herrialdetako 105 eskualde eta hirirekin lankidetzan.
Foro honek Europako Batasuneko kohesio politikaren etorkizuna izan du aztergai, eta era berean, 2007-2013 epealdiko Egiturazko Fondoen programa eta bestelako tresnen prestakuntzaren gidaritzan ere aritu da.
70 tailer baino gehiago egin dira, 300 hizlari baino gehiagoren laguntzaz, eta Europako Batasuneko eskualdeko politikako 2.000 arduradun baino gehiagok parte hartu dute bertan.
Edizio honetan, halaber, Gipuzkoako Foru Aldundiko ordezkaritza bertaratu da.
(txostenak ikusteko: informazio gehiago)

Europako Komisioko Regio Zuzendaritza Orokorrak, programazioko epealdi berrirako informazio eta publizitateko arauak aurkeztu ditu. Bertan, kudeaketako agintaritzen eta entitate onuradunen arteko informazio horniketako ardurak definitu eta mugatu egiten dira, eta baita informazioaren hartzaileak zeintzuk behar duten azaldu ere (onuradunak, onuradun potentzialak eta biztanleria orokorra). Lanek edota proiektuek iraun bitartean kartel bat ipintzeko betebeharrak indarrean segitzen du. Halaber, berauek bukatu ondoreneko 6 hilabeteetan neurri esanguratsuko plaka bat ipini behar da (tartearen %25a gutxienez Europako bandera eta dagokion esaldiarekin). FEDERen kasuan, esaldia hauxe da: “Eskualdeko garapenerako Europako fondoa: hemen Europa zure etorkizunean inbertitzen ari da”.

Gipuzkoako Foru Aldundiko Erakundeekiko Konpromisoen eta Udalentzako Laguntza Zerbitzua, Europako Fondoen kudeaketaren arduraduna, lekuz aldatu dira. Aurrerantzean, behean adierazitako helbidean izango gaituzue:
Erakundeekiko Konpromisoen eta Udalentzako Laguntza Zerbitzua
Gipuzkoako Foru Ogasuna
Pio XII enparantza, 2 - lehenengo solairua
20010 Donostia

Orientazio hauek, konsulta fasean daudelarik, kohesiorako politikako jardueren marko estrategikoa ezarriko du. Halaber, Egiturazko Fondoetako programa berrien esparrua definituko du.