Leku honetan bildu ditugu Gipuzkoako Foru Aldundiak eta Gipuzkoako udalek Europako Batasunaren Egitura Fondoen laguntzaz Gipuzkoan garatu eta kudeatu dituzten jarduera guztiak.

Egungo programazio ekitaldiaren barruan,
2000-2006koan, Gipuzkoa Euskal Autonomia Erkidegoari dagozkion Egitura Fondoen 2. eta 3. helburuan kokatzen da.

Egitura arloan (industriaren egiturak, landako egiturak, hirikoak edota arrantzatik bizi diren eskualdeetako egiturak) arazoak dituzten eskualdeak sustatzea da Egitura Fondoen 2. helburua.

Sustatu beharreko eskualde horiek, izatez, komunitateko batez besteko garapena duten herrialdeetan daude, baina horietako bakoitzak bere mailako zailtasunak ditu gizarte zein ekonomiaren arloan. Horri loturik, ez da ahaztu behar zailtasun horiek sarri langabezia tasa altuaren oinarri izaten direla.

Eta 3. helburua giza baliabideen enplegu aukerak garatzeko eta hedatzeko erreferentzia esparrua da.