EGEF (Eskualde Garapenerako Europako Fondoa)

Honakoak bultzatzera lagunduko du bereziki:

• inbertsio produktiboak;
• dagozkion eskualdeen garapen edo birmoldaketa bultzatuko duten azpiegiturak sortu edo berritzea;
• dagozkion eskualdeen ahalmen endogenoa garatzea helburu duten ekintzak;
• inbertsioak 1 helburuko eskualdeen hezkuntza eta osasun esparruetan.

EGIF (Europako Gizarte Fondoa)

EGIFek, langabeziari aurre egin eta enplegua sustatzeko, honako helburu hauek jarraituko ditu:

• lan merkaturako sarrera erraztea;
• lan merkatuan aukera berdintasuna sustatzea;
• ahalmen, gaitasun eta trebakuntza profesionalak garatzea;
• enpleguaren sorkuntza faboratzea.

Testuinguru honetan, EGIFek ikerketa edo plan pilotuei bere laguntza eskainiko die, batik bat estatu kide batzuk amankomunean dituzten alderdiei buruzkoak badira.

NOBEF-O (NEKAZAL ORIENTABIDE ETA BERMERAKO EUROPAKO FONDOA, ORIENTABIDE SAILA)

NOBEF-Orientabide Saila- delakoaren funtzioak honakoak dira:

• nekazal egiturak sendotu eta berrantolatzea, eta baita, testuinguru honetan, basogintzako egiturak ere, nekazal eta basoko produktuen merkaturatze eta transformazioa barne, eta oztopo naturalek nekazaritzan dituzten ondorioak konpentsatzen laguntzea;
• nekazal produkzioen birmoldaketa bermatzea eta nekazarientzat jarduera osagarrien garapena sustatzea;
• nekazariei bizi maila bidezkoa bermatzen laguntzea;
• landa eremuetan gizarte egitura garatzen, ingurugiroa babesten eta landako eremua kontserbatzen (nekazaritzaren baliabide naturalen kontserbazioa barne) laguntzea.

NOBEFen Orientabide sailak, gainera, laguntza teknikoko eta informazioko jarduerak ordaintzen, nekazal egituren egokitzapenari buruzko ikerketa edo plan pilotuak burutzen eta Batasun mailan landako garapena sustatzen lagunduko du.

IFOP (ARRANTZAREN ORIENTABIDERAKO FINANTZA BITARTEKOA)

Honako funtzio hauek ditu:

• baliabideen eta beren ustiapenaren arteko oreka iraunkorra lortzen laguntzea.
• Ustiapeneko egituren lehiakortasuna eta sektorean ekonomikoki bideragarriak diren enpresen garapena areagotzea.
• Arrantza eta akuikulturako produktuen balioa handitzea eta beren horniketa hobetzea.

IFOPek, gainera, laguntza teknikoko eta informazioko jarduerak bultzatuko ditu, eta sektoreko egituren egokitzapenari buruzko ikerketak edo esperientzia pilotuak burutu daitezen faboratuko du.

KOHESIO FONDOA

Kohesio Fondoa laguntza eta elkartasunerako tresna berri bat da. Bere helburuak Europar Batsunaren ekonomi eta gizarte kohesioa sendotzea eta Ekonomia eta Diru Batasuneko estatu behartsuenen (Espainia, Grezia, Irlanda eta Portugal) parte hartzea erraztea dira, modu horretara ingurugiroa hobe dadin edo garraio sare eta azpiegiturak gara daitezen lagunduz.

2000 agendaren babesean egitura fondoen aurautegien onarpenarekin berrikusi beharreko definizioak.