1957. urtean, Erromako Itunarekin, Europako Elkarteari merkatu komun baten sorreraz elkarte osoaren ekonomi jardueren garapen orekatua sustatzeko helburua ezarri zitzaion. Hala ere, garaiko desoreka eta desberdintasunek esku hartzeko egitura mekanismoak sortu beharra eragin zuten. Horrela, Itunarekin berarekin batera Europako Gizarte Fondoa (EGIF) sortu zen, enplegua eta langileen mugikortasun geografiko nahiz funtzionala sustatzeko xedeaz. Aipatutako fondoa Elkartearen Egitura Politikaren baliabide nagusia da.
Zenbait urte geroago (1962), Nekazal Orientabide eta Bermerako Europako Fondoa (NOBEF) sortu zen, bere xede nagusia EEEko Itunean zehaztutako Nekazal Politika Komunaren helburuak lortzea izanik. Fondo hori bi ataletan egituratu zen: Bermea eta Orientabidea. Lehenaren helburu orokorra merkatua bateratzea izango zen, hornidura segurtatuz eta prezioak egonkortuz, eta NOBEF-O-rena, berriz, lehen sektorearen garapena ahalbidetuko zuketen egiturazko erreformak bultzatzea. Fondo hori Elkartearen Egitura Politikaren bigarren baliabide nagusia izango zen.
 
 
 
1975. urtean Eskualdeko Garapenerako Europako Fondoa (EGEF) sortu zen. Orduz geroztik, elkartearen eskualde mailako desorekek herrialde bakoitzaren arazo soil izateari utzi zioten, Elkartearen Eskualdeko Politika delakoaren jaiotzari bide eginez, berariazko baliabide gisa. Modu horretara, EGEFekin batera PRCa sortu zen. Azken honen helburu orokorra EEEko eskualdeen arteko ezberdintasunak murriztean zetzan, eta, horretarako, ekarpen nagusi bezala, Elkarteak finantzaketan esku hartuko zuen, Egitura fondoen bitartez.
Horrez gain, estatu kideen eskualdeko politikak bateratuko zituen eta elkartearen gainerako politikek eskualde mailako auziak kontuan har zitzaten bultzatuko zuen. 1986. urtean Espainia EEEan sartzeak autonomi erkidego ezberdinei hainbat proiektutarako finantzaketa eskuratzea ahalbidetu zien, Egitura fondoen eta Kohesio fondoaren bitartez.
 
 
 
Europar Batasunaren egitura neurrien helburua eremu ezberdinen garapenean diren aldeak murriztea izan da, baliabide ezberdinen esku hartzeak azpiegiturak eraikiz eta hezkuntza eta prestakuntza sistemei nahiz inbertsio produktiboari laguntza eskainiz.
1.1. taula EBren egitura neurriak (1994-1999)*

HELBURU OROKORRA

Garapen aldeak murriztea:
- Europar Batasunaren egonkortasuna.
- Enplegu maila altua lortzea.

KOANTIFIKAZIOA

1994-1999 aldia: 170.000 milioi Ecu.
EBeko BPGren %0,46 (aldiaren amaieran)

EGITURA FONDOAK

Geografikoki mugatuak:
- Garapen txikieneko eskualdeen garapena (FEen %70)
- Industri gainbeheran dauden eskualdeen birmoldaketa (%11)
- Landako eremuen garapen eta egitura doikuntzak (%4)
- Populazio txikiko eremuen doikuntza (%0,5)
Mugaketa geografikorik gabekoak (FEen %15):
- Iraupen luzeko langabeziaz eta gazteenarenaz arduratzea
- Langileak industri aldaketara egokitzea
- Nekazaritza eta arrantza doitzea

ESKU HARTZEKO EREMUAK

- Azpiegiturak (%30)
- Hezkuntza eta prestakuntza sistemak eta enplegua sortzeko neurrien sustapena (%30)
- Inbertsio produktiboa (%40)

BALIABIDE FINANTZARIOAK

- EGEF
- EGIF
- NOBEF-Orientabidea
- IFOP
- Kohesio fondoa
- BEIren maileguak

(*) Erreferentzia honek 1994. urtera arteko eta 2000 Agenda aurreko alderaketa egitea ahalbidetzen du.
  
 
| Aurrekariak | 1986-1988 aldia | 1989-1993 aldia | 1994-1999 aldia |  
| 2000 Agenda | Foru kudeaketa | Bisita gidatua | Glosarioa | Home | 
| Harremanetan jartzeko e-posta |