Ardatz honen babesean GFAk garatutako politika eta jarduerak bi esparrutan sartzen dira:

  • batik bat gaikuntza profesionala hobetzera zuzendutakoak, eskualde mailako garapenari
    (2 helburua) nahiz jarduera ekonomikoaren lehiakortasunari (4 helburua eta Batasunaren ekimen zenbait) lotuak.



  • batik bat lan merkatuan sartzeko eragozpenik handienak dituzten taldeen lan txertaketa lortzera zuzendutakoak (3 helburua eta Batasunaren zenbait ekimen).
 
 
 

Lehen atalean lortu nahi izan diren helburuak eta aurreikusi diren jarduerak honakoak izan dira:

  • bizitza aktiborako pausua errazten duten eta ingurunea zerbitzuan jarduten duten heziketa integraleko zentroen sare bat sortu eta sustatzea (heziketa okupazionala eta etengabeko heziketa),
  • heziketa mailako I+G, lanbide lehia berrien aurrean heziketa premiak aurreikustera bideratua,
  • ikasleen mugikortasuna bermatzea (bigarren mailako lanbide heziketaren esparrua eta unibertsitate esparrua),
  • lanbide heziketa garatzeko intranet-internet sare bat sortzea,
  • bizitza osoan zeharreko heziketaren kontzeptua sartzea, pertsona, enpresa eta Lurralde mailan.
 
 
 

Eta, bigarren atalean:

  • esperimentazioa eta berrikuntza, batik bat nazioz gaindikoa, Europar Batasunean pertsonen lanbide mugikortasuna ahalbidetuko dutenak,
  • berariazko programa integralak lanean hasteko eragozpen handienak dituzten taldeentzat: emakumezkoak, gazteak, minusbaliatuak eta iraupen luzeko langabetuak,
  • tokian tokiko ingurunea enplegua sortzeko esparru gisa hartzea, partenariatu publiko-pribatuzko ereduez, eta Garapen eta Enplegurako Toki Ekimenen finantzaketarako bide berriak zehaztea.
 
 
 

Ardatz hau garatzeko Batasunaren laguntzen (EGIF, ADAPT, NOW, HORIZON, batez ere) zenbateko osoa 5.703,5 milioi pezetakoa izan da.