Ardatz honen berariazko helburua tokiko ekimenak sustatzea da, betiere ekimen horiek tokian tokiko premiei erantzuteko eta enplegua sortzeko direnean.

NEURRIAK

1 neurria: Enplegua sortzeko antolatzen diren ekimenei laguntzak ematea.

Tokian tokiko inguruen garapen endogenoari laguntzeko jarduerak sustatuko dira, enpresa izpirituari bultzada emanez.

Jarduera: Tokiko garapen agentziei laguntzea.

Jarduera honen barruan udal mailako beste jarduera batzuk antolatu dira, laneko esperientziari (kontratu bidezkoa) buruzko programa berezietan oinarriturik; hartara, jarduera hauek programan hartutako pertsonen lan aukerak hobetzera bideratzen dira. Programan hartutakoen eskuragarritasuna, lan egiteko aukerak eta lanbide gaitasunak hobetuz, tokian tokiko enplegua sortzeko ekimenari laguntzen zaio.