Industria, eskulangintza, merkataritza eta zerbitzuetako enpresei inbertsio estrategikoetarako, enpresa berriak sortzeko eta turismo eta merkataritza sektoreak berpizteko laguntzak ematea.

Enpresen finantza bideak hobetzeko neurriak ere gehitu dira, hala nola enpresa horiek munduan zehar zabaltzeko eta sustatzeko behar direnak. Bestalde, produkzio guneak zaharberritzeko eta egokitzeko laguntzak ere antolatu dira.

NEURRIAK

1.1 neurria: Laguntzak industria, eskulangintza, merkataritza eta zerbitzuetako enpresentzat.

e-Pymes Programa

Enpresa txiki eta ertainentzako laguntzak eratu dira, lehenbailehen "ekonomia digital"era gehi daitezen; halaber, informazio eta komunikazioaren teknologietarako baliabideak erosi eta horiek sortzen dituzten premietara egokitzea sustatuko da.

Erantzulea : Gipuzkoako Foru Aldundia
Berrikuntzarako eta Jakintzaren Gizarterako Departamentua

Txekin programa

Enpresa berriak sortu nahi dituzten ekintzaileentzako laguntza: aholkularitza eta laguntza teknikoa enpresa sortzerakoan eta enpresa sendotzerakoan. Laguntza zerbitzu hau txekeen bidez gauzatzen da. Laguntzetan sartzen da, halaber, baliabide telematikoren bat eskuratzea edo erabiltzea.

Erantzulea : Gipuzkoako Foru Aldundia
Berrikuntzarako eta Jakintzaren Gizarterako Departamentua

ATERPE programa

Giza talde baztertuak berriro gizartera egokitzeko eta gehitzeko programa. Horren bidez giza talde baztertuak lan merkatura iristeko ahaleginak bultzatzen eta laguntzen dira eta jarduera multzo baten laguntzaz baztertuen lan aukerak areagotzen.

Erantzulea : Gipuzkoako Foru Aldundia
Giza Eskubideetarako, Enplegurako eta Gizarteratzeko Departamentua

1.2 neurria: Produkzio guneak lortzea, berreskuratzea eta egokitzea, hala nola enpresei zerbitzuak ematea.

CEI programa

Laguntzak BIC Berrilan eta CEI Arrasate bezalako enpresa eta berrikuntza zentroentzat, enpresa berrikuntzarako proiektuak aztertzeko. Laguntzak negozio berrizaleak dituzten ekintzaileei ere emango zaizkie eta beren proiektuen bideragarritasuna aztertzen lagunduko zaie, baita finantzaketa eta kokapena bilatzen ere.

Erantzulea : Gipuzkoako Foru Aldundia
Berrikuntzarako eta Jakintzaren Gizarterako Departamentua

Antzuolako Olaran industria zentroa

Eraikin berezi bat berreskuratzea eta egokitzea, bertan enpresa zentro edo haztegi bat sortu eta enpresa izpiritua garatzeko eta sustatzeko eta batez ere enpresa proiektu berriak sortzeko ekimenari laguntza emateko.

Erantzulea : Antzuolako udala

Goierriko enpresa haztegia

Pabilioi bat erostea eta egokitzea, bertan enpresa proiektu berriak hartzeko eta babesteko hasierako fasean daudenean. Jarduera honekin enpresa ekimen berriak bultzatu nahi dira.

Erantzulea : Goieki eskualdearen garapenerako agentzia