Tokian tokiko ekimenak sartu dira ardatz honetan: udalerriaren garapena, hainbat gune birgaitzea eta ekipatzea, herri garraioaren azpiegiturak hobetzea, turismo eta kulturaren azpiegiturak garatzea, eta artea eta kultur ondarea zaintzea eta birgaitzea.

NEURRIAK

5.1. neurria: Herrietako hainbat zona birgaitzea eta ekipatzea.

Gipuzkoako bidegorrien sarea.

Gipuzkoa osoan zehar bidegorri sarea eratzea.

Erantzulea : Gipuzkoako Foru Aldundia
Garapen Iraunkorrerako Departamentua

Ataungo San Martin auzoko gune historikoa zaharberritzea.

Ataungo gune historikoa berreskuratzea herritarren topagune eta bilgune bihurtzeko, eta gurpildunen trafikoa bertatik kentzea.

Erantzulea : Ataungo udala

Aintzinako trenbidean bidegorria (Azkoitia).

Zirkuitu bat eratuko da txirrindulari zein oinezkoentzat, Urolako trenbide zaharra aprobetxatuz.

Erantzulea : Azkoitiko udala

Auzune bideak hobetzea: eskailera mekanikoak (Eibar)

Eskailera mekaniko baten laguntzaz zenbait auzoetara iristeko moduak hobetzea. Programa honen bidez, jende gehien ibiltzen diren lekuak eta herriko orografia malkartsuaren ondorioz bertara iristeko zailtasunik handienak dituzten auzoak elkarrekin lotu nahi dira.

Erantzulea : Eibarko udala

Herria zeharkatzen duen errepide ingurua hiritartzea (Ikaztegieta)

Hiritartze lanak, herria zeharkatzen zuen N-1 errepide zaharraren inguruak egokitzeko, seinaleztatzeko eta espaloiak zabaltzeko. Programa honekin herriaren narriadura geldiarazi nahi da, hala nola kalitateko guneak sortu eta inguruak berreskuratu.

Erantzulea : Ikaztegietako udala

Bidegorria (Oiartzun)

Meategiko trenbide zaharraren zati batean bizikletentzako bidegorria egin nahi da, eskualdeko herritarrentzat turismo eta atseden leku bat eratzeko.

Erantzulea : Oiartzungo udala

Molinao ibaiaren inguruak hiritartzea (Pasaia)

Molinao ibaiaren ertzetan dagoen zona narriatu bat (birmoldatzen ari diren portuaren inguruetan) berreskuratzea eta hiritartzea (parke bat egitea); zona horretan gaur egun, bai zaintze egoeragatik bai tipologia ez egokiagatik, egoera txarrean dauden zenbait fabrika daude .

Erantzulea : Pasaiako udala

Amarako parkearen hobekuntza

Amarako parkearen ingurua birgaitu da, berdegunea eta zuhaitz kopurua gehituta. Haurrek erabiltzeko diseinatuta dago, eta jolasguneak eta egonlekua prestatu dira hiri altzariak erabiliz.

Erantzulea : Donostiako udala

Hondarribia kalea hiritartzea

Hiritartzeko elementu guztiak eraberritu dira: espaloi zabal berriak egin dira, hirigintzako oztopoak deuseztatu dira, lurrazpiko zerbitzuak berritu dira eta zuhaitzak landatu dira.

Erantzulea : Donostiako udala

Espaloiak egokitzea Askatasunaren Hiribidea

Argiteriako zerbitzuak berritu dira eta semaforoak jarri dira, bai eta hornidura sarea eta euri uren hoditeria ere. Espaloiak zolatu dira (bakoitien aldean), eta kalea asfaltatu da.

Erantzulea : Donostiako udala

5.3. neurria: Laguntzak, herritarrak herriko bizitzan txertatzeko azpiegiturak jartzeko eta ekipatzeko.

Erabilera askotako lokala (Zegama)

Lokal bat hartu eta egokitzea, bertan medikuaren kontsulta, eguneko zentroa eta erretiratuen etxea jartzeko eta herritar adinduentzat atseden eta osasun leku egiteko.

Erantzulea : Zegamako udala

5.5. neurria: Turismo eta kulturaren azpiegiturak

Ibilbideak seinaleztatzea eta egokitzea.

Udalentzako laguntzak mendibideak egokitzeko eta zirkuituak seinaleztatzeko.

Erantzulea : Gipuzkoako Foru Aldundia
Gizarte eta Erakunde Harremanetarako Departamentua

Txara II Kultur Zentroa (Donostia))

Lokalak egokitzea kultur jardueretarako.

Erantzulea : Donostiako udala

Mirandaolako interpretazio zentroa (Legazpi)

Industria pabilioi zahar bat egokitzea, bertan hainbat zerbitzu eta Mirandaolako parke naturala interpretatzeko zentro jartzeko, baina eraikinaren industria itxura bere hartan gordez. Parke honetan, halaber, turismo eta kultur eskaintzaren kalitatea indartu eta areagotu nahi da.

Erantzulea : Legazpiko udala

Aizpeako meategiak egokitzea (Zerain)

Turismo gune ospetsu batean abandonatuta dauden burdin meategi batzuk egokitzea (irispideak, seinaleak, galerietako lanak) eta Gipuzkoako Burdinaren Bidera eta turismo berde edo landatarrera atxikitzea.

Erantzulea : Zeraingo udala

Okendo kulturunea zabaltzea

Erakusketa areto berria eta hitzaldi areto egin dira; liburutegiko instalazioak hobetu dira, eta kulturetxe zaharreko gazte eta haur ekipamenduak berritu dira.

Erantzulea : Donostiako udala

5.6. neurria: Ondare historiko-artistikoa eta kulturala zaintzea eta eraberritzea.

Ondare historiko-artistikoa eraberritzea.

Loiolako santutegiko basilikaren kupula barrutik eraberritzea; Donostiako Santa Teresa komentua birgaitzea eta erlijio ondarea zaharberritzea.

Erantzulea : Gipuzkoako Foru Aldundia
Kultura Zuzendaritza Nagusia

Santa Maria dorreko museoa (Zarautz)

Santa Maria dorrea herriko museo bihurtzeko lanak eta arkeologia indusketa, eta museo horretarako funtsak eta ekipamendua erostea.

Erantzulea : Zarauzko udala

Victoria Eugenia antzokiaren birgaikuntza

Oinarrizko egiturak hobetu dira, eta kanpoaldea birgaitu da, bai eta ekipamenduz hornitu ere. Sistema teknologikoak berritu dira, eta erabilera askotako dependentzia berriak sortu dira.

Erantzulea : Donostiako udala

5.7. neurria: Gizarte azpiegiturak eta ekipamenduak

Ekipamendu soziokulturalak gazteentzat.

Gazteentzat oinarrizko ekipamendu egokituak, gazteek aniztasuna onartzen ikas dezaten, gizartean parte har dezaten eta kultur harremanak heda daitezen.

Erantzulea : Gipuzkoako Foru Aldundia
Gizarte eta Erakunde Harremanetarako Departamentua

Haur heziketarako zentroa (Ibarra)

Eraikin bat egokitu eta eraberrituko da, bertan haurtzaindegi bat irekitzeko; bidenabar, eraikinaren inguruak ere egokitu eta txukundu egingo dira.

Erantzulea : Ibarrako udala

5.9. neurria: Lanbide heziketarako zentroak eta tokiko garapen agentziak.

Ziberzentroa eraikitzea (Bidasoa)

Zentro multimedia bat eraikitzea, herritarrentzat eta eskualdeko enpresentzat informazioaren eta komunikazioaren teknologia berriak sustatzeko eta IKTren heziketa zentroa irekitzeko.

Erantzulea : Bidasoa activa - Bidasoa bizirik (Bidasoaldeko garapen agentzia).

Lanbide heziketarako zentroa eraberritzea (Hernani)

Zentroan lehendik dauden instalazioak eraberritzea eta beste batzuk gehitzea, lanbide heziketarako zentro bihurtzeko eta informatika ikastegi bat irekitzeko.

Erantzulea : Hernaniko udala