Ardatz honen helburua aukera berriak eskaintzea da, ez bakarrik langabeziaren eraginak jasan behar dituztenak lan munduan sartzeko baita lan berrietara egokitzeko ere; programa honetan sartu dira, halaber, lana aurkitzeko itxaropena galdu eta biztanleria aktiboan jarraitzea baztertu zutenak ere.

NEURRIAK

1. neurria: Langabezian daudenei lan merkatura gehitzeko aukerak eskaintzea.

Neurri honetako jarduerak batez ere langabezian dauden adineko jendeari (12 hilabeteko langabezia agortu baino lehenagorako) begira eratu dira, baita langabezian dauden guztientzat ere.

Jarduera: Lanerako prestakuntza

Jarduera honek hiru gaitasun arloz (pertsonala, gizartekoa eta lanekoa) osatzen den lanbide heziketarako jarduerak aurreikusten ditu, ohiko lan merkatura iristeko eragozpen handienak dituzten kolektiboentzat, eta batez ere minusbaliotasun fisikoa dutenentzat.

2. neurria: Luzaroko langabeziari aurre egitea, iraupen luzeko langabezian daudenak lan mundura bideratzeko jardueren bidez.

Neurri honetako jarduerak batez ere iraupen luzeko langabezian daudenentzat antolatu dira.

3. neurria: Gazteak lan mundura hurbiltzeko bideak eskaintzea.

Neurri honetako jarduerak batez ere langabezian dauden gazteentzat antolatu dira; jarduera hauen bidez aipatu langabetuei langabezian sei hilabete egin baino lehen lanbide berrietara egokitzeko neurriak eskaintzen zaizkie; bestalde, neurri pasiboak neurri aktiboz ordezteko bideak jorratzen dira.

Jarduera: Prestakuntza-enplegua programa konbinatua.

Jarduera honetan lan mundura bideratzeko jarduerak aurreikusi dira: laneko laguntza eta informazioa; prestakuntza berezia gehienbat IKTBren alorrean, eta lantokian bertan egingo dira heziketa praktikak. Azken ekimen hori kudeaketa pertsonalizatuan oinarritzen da eta langabezian dagoen pertsonak horretarako borondatea erakutsi behar du.