Ardatz honen helburua da enpresa sortzeko gaitasunari bultzada bat ematea. Ardatz honetan enplegu autonomoa, enpresa txikiak eta ekonomia sozialaren bestelako bideak sustatzeko, laguntzeko eta aholkatzeko neurriak izan dira kontuan. Enplegu iturri berriak garatuko dituzten proiektuak bultzatuko dira, eta bereziki ingurumenarekin eta teknologia berriekin zerikusi dutenak. Ahalegin bereziak egingo dira, halaber, enpresa jarduera honetan emakumearen parte hartzea areagotzeko.

NEURRIAK

1. neurria: Enplegua sortuko duten jarduera berriei erraztasunak ematea.

Neurri honetako jarduerak enpresa ekimena indartzeko eta enpresak sortzeko asmatu dira, garbi dagoelako enplegua sortzeko modurik egokiena jarduera ekonomikoa sustatzea dela.

Jarduera: Enpresa arloko prestakuntza, enpresak sortzeko eta garatzeko.

Jarduera honek enpresa mailako heziketarako ekintzak aurreikusten ditu gazte ekintzaileentzat, betiere lanbide heziketaren garaian gazte horiengan ekintzarako borondatea eta gaitasuna antzeman badira. Neurri honetako jarduerak enpresa proiektu jakin baten inguruan garatzen dira.