Ardatz honen helburu nagusia lanbide hezkuntzaren kalitatea hobetzea da, batez ere irakaskuntza arautuarena; ardatz honetako jarduerekin lan munduaren premietara egokitutako irakaskuntza eskaini nahi da. Bestalde, ardatz honi loturik, laguntzak emango dira eskola porrota ezagutu duten gazteentzat eta inolako lanbide gaitasunik ez dutenentzat bideratutako programak sustatzeko.

NEURRIAK

3. neurria: Lanbide hezkuntzako azpisistemen eraginkortasuna eskuratzeko eta hobetzeko baliabideak sustatzea.

Lan mundura bideratzeko gaitasunak areagotzea.

Jarduera: Lanbide heziketaren sistemak hobetzea.

Jarduera honetan bi motatako jarduerak aurreikusi dira:

• Derrigorrezko irakaskuntzaren ondorengo bigarren mailako irakaskuntza zentroetako irakasleria IKTren alorrean prestatzeko jarduerak, berariaz xede horrekin diseinatutako curriculumena oinarrituta; eta
• bai unibertsitate mailan bai lanbide heziketaren mailan nazioarteko mugikortasunerako jarduerak.

2. neurria: Heziketa aukera berriak eskaintzea, derrigorrezko irakaskuntza gainditu ez dutenak lan merkatura bideratzeko.

Gizarte bermerako programak.