Ardatz honen helburua da ikerketan, garapenean eta berrikuntzan ari diren giza baliabideak indartzea, garapen zientifikoak eta teknologikoak sortzen dituzten hazkunde aukerak aprobetxatuz.

NEURRIAK

1. neurria: Ikerketa, zientzia eta teknologiaren arloko giza baliabideetan egiten diren inbertsioei laguntza ematea, baita jakintza produkzioaren sektorera eramateko direnei ere.

Neurri honen helburua zientzialarien prestakuntza areagotzea da, hala nola teknologia produkzio sektorera eramatea.

Jarduera: Ikerlarien prestakuntza.

Ikerkuntza lanetan ari direnen gaikuntza, iker-eremuaren eta enpresaren edo ekoizpen-eremuaren artean lotura handiagoa egon dadin eta, horrela, teknologia (ikerketa eta berrikuntza) ekoizpen sektorera errazago bidera dadin.

Jarduera: Teknologiaren eskakizunei aurrea hartzea.

IKTBren erabilera trinkoan oinarritutako euskarri metodologikoak eta pedagogikoak garatzea, biziarteko prestakuntza/heziketaren prozesuak eta sistemak hobetzeko direnean eta derrigorrezko irakaskuntzaren ondorengo irakaskuntza zentroetako irakasleriaren ekimenez eta partaidetzaz garatutakoak direnean.