Gipuzkoari dagokionez, programazio aldi honetan lurraldearen zatirik handiena 2 helburuko eremutzat jo da, 9 udalerri (Aia, Albistur, Alkiza, Asteasu, Beizama, Bidegoian, Errezil, Hernialde eta Larraul) 5b helburuko eremuetan sartuz. 1994-1996 eta 1997-1999 urteetako Euskal Autonomi Erkidegoko Programa Operatiboek (POPV)
EGEFek eta EGIFek 2 Helburuaren barruan EAEri ematen dizkioten laguntzak arautzen dituzte. Berorien bitartez, beraz, Gipuzkoak finantzaketa jasotzen du. Aurreko programazio aldian bezala, 3 helburuaren bidez ere finantzaketa jasotzen du (EGIF).
 
 
 
Europar Batasunaren Ekimenei dagokienez, Europako Batzordeak 1994-1999 programazio aldirako finkatutako ekimenetatik lauren onuradun da Gipuzkoa (RESIDER II, INTERREG II, ADAPT II eta HORIZON II).
Horrez gain, Gipuzkoak abeltzaintzarako ere laguntza garrantzitsuak jasotzen ditu, bi kontzepturen arabera banatzen direnak: bermearena (nekazal salneurriak mantentzeko) eta orientabidearena (landako eremuetan nekazaritza modernizatzera zuzendua).
 
 
 
Beraz, 1994-1999 aldian zehar Gipuzkoak jasotako finantzaketa honakoen bitartez bideratzen da: 2 helburua (EGEF eta EGIF), 3 helburua (EGIF), 5b helburua (NOBEF-O eta EGEF), abeltzaintzari emandako laguntzak (NOBEF-O eta NOBEF-G) eta Europar Batasunaren lau ekimen. 1994-1999 programazio aldi honetan, Kohesio fondoaren kargu jasotako finantzaketa ere gehitu behar da.
Gipuzkoak 1994-1999 aldian zehar jasotako finantzaketak Egitura Fondoak eta Batasunaren Ekimenak izan ditu iturri. Horrez gain, Ekintza berriztatzaileak aipatu beharko genituzke.
 
| Aurrekariak | 1986-1988 aldia | 1989-1993 aldia | 1994-1999 aldia |  
| 2000 Agenda | Foru kudeaketa | Bisita gidatua | Glosarioa | Home | 
| Harremanetan jartzeko e-posta |