Ardatz honen helburua da batez ere lanean ari diren pertsonen lanbide gaitasunak hobetzea, horiek produkzio sistemaren bilakaerak sortzen dituen premietara egoki daitezen; enpleguaren egonkortasuna erraztea, batez ere enplegu prekarioaren eragina gehien jasan behar duten kolektiboei begira; eta lanpostu egonkorren modalitate berriak sustatzea, lanpostuek nolabaiteko iraunkortasuna izan dezaten.

NEURRIAK

1. neurria: Lanean ari direnen lanbide gaitasunen maila eguneratuko dela ziurtatzea.

Neurri honetako jarduerak lanean ari direnentzat eratu dira gehienbat, eta jarduera hauek lan merkatuaren eskakizunei aurrea hartzera bideratzen dira.

Jarduera: Heziketa premiei aurrea hartzea.

Enpresetan zabaltzen ari diren kudeaketa eta antolakuntza era berriek dakartzaten prestakuntza beharren identifikazioa eta proposamenak, gaitasun profesional berrien arloan, enplegatuek eta enpresek beharkizun berriei aurrea har diezaieten eta, hartara,
enplegu mailari eta enplegu kalitateari eutsi.

2. neurria: Dagoen enplegua sendotzea.

Lanean ari direnen eta enpresen egokitzeko gaitasuna sustatzea.

3. neurria: Erakunde publiko eta pribatuak modernizatzeko prozesuak sustatzea, horiek enplegua sortzeko eta finkatzeko direnean.

Erakunde publiko eta pribatuak modernizatzeko prozesuak sustatzea, horiek enplegua sortzeko eta finkatzeko direnean.