Ardatz honen helburua emakumeen alde antolatzen diren jarduera guztiei laguntzak ematea da, batez ere jarduera horiek honako xedea dutenean: emakumeen lanerako aukerak sustatzea, emakumeen enpresa gaitasuna sustatzea; lanean eta soldatetan emakumearen kontrako segregazioari aurre egitea eta lanaren eta etxeko bizitzaren bateragarritasuna hobetzea.

NEURRIAK

1. neurria: Emakumeen lan aukerak areagotzea.

Neurri honetako jarduerak berariaz emakumeentzat asmatu dira.

Jarduera: Emakumeei lanbide gaitasunak eskaintzea.

Jarduera honek lanbide gaitasunetarako plan integral bat aurreikusten du, eta plan horretan lanerako laguntza eta informazioa eta gehienbat IKTBren arloko prestakuntza berezia sartzen dira, hala nola lantegian bertan prestakuntza praktikak egitea, emakumeen lan aukerak areagotzen laguntzeko. Jarduera honi ematen zaion laguntza "heziketarako kreditu kontu" baten bidez gauzatzen da, eta laguntza hori emakumeen heziketa ibilbidea pertsonalizatzeko eta emakumeei protagonismoa emateko erabiliko da, beren lanbide gaitasunen kudeaketarako.

2. neurria: Emakumeen enpresa jarduerak sustatzea.

Neurri honetako jarduerak enpresa jardueraren bat abian jartzeko asmo duten emakumeentzat antolatu dira.

3. neurria: Bereizketa horizontalaren zein bertikalaren kontra egitea da neurri honen helburua, hala nola soldata diskriminazioari aurre egitea eta etxeko bizitza eta lanekoa bateragarri egiten laguntzea.

Neurri honetako jarduerak emakumeentzat zein gizarte osoarentzat antolatu dira, eta gizon eta emakumeen arteko aukera berdintasunerako politika indartzeko xedea dute.

Jarduera: Aukera berdintasunaren printzipioa hedatzen laguntzea.

Jarduera horrek beste jarduera batzuk hartzen ditu bere baitan, lan mundura bideratzeko neurrien eta lanbide heziketa sustatzen duten neurrien emakume onuradunei lanpostura iristeko bidea eta aukera berdintasuna ziurtatzeko; neurri honetako jarduerak honako hiru lan eremuetan gauzatzen dira: prestakuntzarako eskaera pertsonalak modu eraginkorrean koordinatzea, heziketaren eskaintzan oinarriturik eta denbora eta leku bati atxikirik eraikuntza konkretuak bilatzeko; laneko praktikak egiteko enpresak bilatzea; eta programa honi atxikitako emakumeei beren heziketako eginkizunak eta beren seme-alabekin dagozkienak batera eramateko baliagarriak eskaintzea, lan mundura bideratzeko prozesuan daudenean.